Mestur hluti þyngdarkraftsins sem verkar á hann fer í að tryggja að hafið fylgi jörðinni á ferð hennar um geiminn. En þessi hluti hafsins er næstur tunglinu og því verkar á hann nokkur umframkraftur sem togar hann í áttina til tunglsins og veldur hafbungunni þannig að þar verður flóð. Á þeirri hlið jarðar sem snýr frá tunglinu er þyngdarkraftur frá því minni en annars staðar þannig að þar skortir kraft inn á við. Það jafngildir umframkrafti út á við, hafbunga myndast líka á þessum stað og þar er aftur flóð. Milli þessara staða er svo fjara og á hverjum stað er flóð og fjara tvisvar á sólarhring. Þessa reglubundnu sveiflu sjávarborðsins köllum við sjávarföll.
Tunglið hreyfist á sinni braut meðan jörðin snýst einn hring í kringum mödul sinn. Staðurinn sem er núna beint undir tunglinu þarf því að snúast í við meira en einn hring til að komast aftur undir tunglið. Vegna þess seinkar flóði og fjöru um í kringum fimmtíu mínútur á dag.
Sjávarföllin eru ekki alltaf jafnsterk. Með öðrum orðum er sjávarstaðan á flóði misjafnlega há. Þegar hún er hæst er staðan á fjöru lægst þannig að sveiflan er þá mest milli flóðs og fjöru og við segjum að þá sé stórstreymi en smástreymi hins vegar þegar munurinn á flóði og fjöru er minnstur.
Tunglið hreyfist á sinni braut meðan jörðin snýst einn hring í kringum mödul sinn. Staðurinn sem er núna beint undir tunglinu þarf því að snúast í við meira en einn hring til að komast aftur undir tunglið. Vegna þess seinkar flóði og fjöru um í kringum fimmtíu mínútur á dag.
Sjávarföllin eru ekki alltaf jafnsterk. Með öðrum orðum er sjávarstaðan á flóði misjafnlega há. Þegar hún er hæst er staðan á fjöru lægst þannig að sveiflan er þá mest milli flóðs og fjöru og við segjum að þá sé stórstreymi en smástreymi hins vegar þegar munurinn á flóði og fjöru er minnstur.